നമ്മുടെയൊക്കെ ഏതോ കരുതലുകള്‍

കഴുത കുതിരയാണെന്ന്
കരുതുന്നത്
കാക്ക കൊക്കാണെന്ന്
കരുതുന്നത്
ജി. സുധാകരന്‍ കവിയാണെന്ന്
കരുതുന്നത്
മണ്‍കൂന മലയാണെന്ന്
കരുതുന്നത്.
ചേമ്പിലയിലെ വെള്ളം സമുദ്രമണെന്ന്
കരുതുന്നത്.
അതെ, അതെല്ലാം എന്താണ്?
ചിലതുണ്ട്,
വിസ്മയങ്ങളായി വിരിയുന്നവ.
കാല്പനികമായി പറയുന്നവ.
ചേമ്പിലയിലെ സമുദ്രം പോലെ.
അപ്പോഴും ചിലതുണ്ട്
നിന്റെയും എന്റെയും
അഹന്ത പോലെ
ഒട്ടും മാറാത്തത്.