കഴുതകള്‍ പന്നികളെ
പുറത്തുകയറ്റി ഗ്രാമാന്തരങ്ങള്‍ ചുറ്റും.
പന്നികള്‍ കഴുതപ്പുറത്തിരുന്ന്
ഒരു കമ്പു നീട്ടും.
കമ്പിന്‍ തുമ്പില്‍
എന്നും അതേ കാരറ്റുണ്ടായിരിക്കും.
ഒട്ടകങ്ങള്‍ക്ക്
മരീചികപോലെ കാരറ്റ്
തൂങ്ങിയാടും.
എന്നെങ്കിലുമൊരിയ്ക്കല്‍
ആ കാരറ്റ്, ആ കാരറ്റ്...
എനിയ്ക്ക്... എനിയ്ക്ക്...
പന്നിക്കൂടുകളിലേയ്ക്ക്
പന്നികള്‍ നടന്നുപോകും.
നിറഞ്ഞ വയറുകളില്‍ നിന്നു വരുന്ന
ഏമ്പക്കങ്ങള്‍ കൊണ്ടും
കനം തൂങ്ങുന്ന
കണ്ണുകള്‍ കൊണ്ടും
പന്നിക്കൂടുകള്‍ നിറയും.
അങ്ങനെ നമ്മുടെ
വോട്ടുകള്‍ സാധുവാകും.
Its election festival... lot of people living with the income...
ReplyDelete